Урианхай сурын онтууцах харваа энэ сарын 11-ний өдөр боллоо.  Харвааны дүн гарахад Баян-Өлгий аймгийн Буянт сумын уугуул халх харвааны “Мондэ” багийн харваач урианхай сурын улсын мэргэн Жарантайн Мягмар тэргүүлэв.

          Хоёрдугаар байранд Дорнод аймгийн Булган сумын уугуул “Баргудай мэргэн” багийн харваач спортын мастер Буяндаваагийн Нямбаяр шалгарлаа. Харин шөвгийн дөрөвт Баян-Өлгий Аймгийн Буянт сумын уугуул “Алдар” спорт хорооны харваач спортын мастер Б.Баярсайхан,  Баян-Өлгий аймгийн Булган сумын уугуул Цагдаагийн ерөнхий газрын харваач, спортын дэд мастер Б.Загдзүсэм үлдэв.

           Шөвгийн наймд Сэлэнгэ аймгийн Ерөө сумын уугуул “Алдар” спорт хорооны харваач урианхай сурын улсын мэргэн Б.Батбаатар, Сэлэнгэ аймгийн Мандал сумын уугуул “Батур” багийн харваач В.Чинболд, Говь-Алтай аймаг “Засагт Хан” клубийн харваач Л.Гончиг, “Мэргэн зэв” багийн харваач Д.Сонин-Эрдэнэ нар тус тус шалгарлаа.