Төв аймгийн  Баян-Өнжүүл сумын харьяат Монгол Улсын Ардын багш, Монгол Улсын гавьяат дасгалжуулагч, улсын арслан, Л. Сосорбарамын нэрэмжит жүдо бөхийн өсвөр үеийн Төв аймгийн аварга шалгаруулах тэмцээн болно. Энэ удаагийн Төв аймгийн аварга шалгаруулах тэмцээн энэ сарын 6-7-ны өдрүүдэд болох юм.

        Тус тэмцээнийг Төв аймгийн Биеийн тамир, спортын газар, Баян-Өнжүүл сумын Засаг даргын Тамгын газар, Монголын жүдо бөхийн холбоо, Төв аймгийн жүдо бөхийн холбоо хамтран зохион байгуулна. Тэмцээн ахлах болон бага насны ангиллаар явагдана. Ахлах насны хөвгүүдийн 27,30, 34, 38, 42, 46, 50, 55, 60, 66, 73, -81, +81 кг-ын жин, охидын 36, 40, 44, 48, 52, 57, 63, -70, +70 кг-ын жингээр болно.

       Харин бага насны ангилалд 2010 оны нэгдүгээр 1-ээс хойш төрсөн хүүхдүүд оролцоно. Хөвгүүдийн  24, 27, 30, 34, 38, 42, 46, -50, +50 кг-ын жинд, охидын 32, 36, 40,-44 кг-ын жингээр тэмцээн болох юм.