Жүдо бөхийн Ташкентын их дуулга 2023 тэмцээн Узбекистан Улсын Ташкент хотод  маргааш эхэлнэ. Энэ удаагийн их дуулга тэмцээнд Африк тивийн гурван орны арван тамирчин, Ази тивийн 14 улсын 180, Европ тивийн 24 орны 135, Азий Номхон далайн хоёр улсын хоёр, Пан Америк тивийн зургаан улсын 37 тамирчин оролцоно.

      Ташкентын их дуулгад 49 орны эрэгтэй 191, эмэгтэй 173, нийт 364 тамирчин оролцох  аж. Харин манай улсын жүдочид энэ удаагийн тэмцээнийг өнжиж байгаа бололтой. Тэмцээн энэ сарын 3-5-ны өдрүүдэд болох юм. Тэмцээний эрэгтэйчүүдийн 60 кг-ын жинд 26, 66 кг-д 28, 73 кг-д 31, 81 кг-д 28, 90 кг-д 32, -100 кг-д 26, +100 кг-д 20 жүдоч барилдана. Харин эмэгтэйчүүдийн 48 кг-ын жинд 26, 52 кг-д 21,  57 кг-д 29, 63 кг-д 33, 70 кг-д 25, -78 кг-д 18, +78 кг-д 21 бөх барилдах мэдүүлэг өгсөн байна.