Олимпын хөтөлбөрт анх удаа багтаад буй брэйк бүжгийн тамирчдын Парисыг зорих их тэмцэл эхэллээ. Япон Улсын Китакюүшү хотноо 48 орны 180 бүжигчин хуран чуулж, олимпын эрхийн оноогоо нэмэхээр дэлхийн цуврал тэмцээнд хоёр өдөр өрсөлдөв.

         Энэ нь олимпын эрхийн оноо олгох долоон цуврал тэмцээний эхнийх байсан бөгөөд 3000 үзэгчийн суудалтай ордон хоёр өдрийн турш битүү дүүрчээ. Дараагийн тэмцээн дөрөвдүгээр сард Бразил Улсын Рио де Жанейрогийн дэлхийн цувралаар эхэлж, эрхийн төлөөх өрсөлдөөн 2024 оны зургадугаар сар хүртэл үргэлжлэх болно. Улмаар цуврал тэмцээний чансаагаар эрэгтэй, эмэгтэй тус бүр шилдэг долоон бүжигчин “Парис-2024” олимпын эрхээ авах юм.

       Олимпын наадмын бүжгийн тэмцээний тухайд эрэгтэй, эмэгтэй тус бүр 16 тамирчин өрсөлдөх бөгөөд 2023 оны ДАШТ, тивүүдийн аварга шалгаруулах тэмцээс тус бүр нэг эрх эздэдээ очно. Мөн зохион байгуулагч орны эрх нэмэгдсэнээр шилдэг 16 бүжигчин тодрох учиртай.