Мөсөнд авиралтын өсвөр үе, залуучуудын дэлхийн аварга шалгаруулах тэмцээн Финланд Улсад болж байна. Өсвөр үе, залуучуудын дэлхийн аварга шалгаруулах тэмцээний хурдны төрлийн хэсгийн авиралтын финалын шатанд манай гурван тамирчин гурвуулаа шалгарсан аж. Өсвөр үеийн 16 насны охидын ангилалд Ж.Амина 58.34 секундээр дөрөвдүгээр байраар финалд шалгарчээ. Залуучуудын 19 насны эмэгтэйчүүдийн ангилалд Ц.Анар 32.21 секундын амжилтаар финалд шалгарсан байна. Залуучуудын 19 насны эрэгтэйчүүдийн ангилалд Б.Мөнхбаатар 16.83 секундын амжилтаар Финалд тус тус шалгарсан аж.

           Залуучуудын дэлхийн аварга шалгаруулах тэмцээнд Монголын уулын үндэсний холбоо, Увс аймгийн спорт авиралтын холбооны тамирчин Б.Мөнхбаатар “U19” насны ангилалд 12.25 секундээр хоёрдугаар байрт шалгарч мөнгөн медаль хүртжээ. Мөн “U19” насны эмэгтэй төрөлд “Саммит” клубийн тамирчин Ц.Анар 29.92 секунд хурдаар шагналт дөрөвдүгээр байр,  охидын “U16” насны ангилалд “Улаанбаатар аялагч” клубийн тамирчин Ж.Амина гуравдугаар байрт тус тус орсон байна.