AНУ-ын Даллас хотноо спортын гимнастикийн олон улсын тэмцээн энэ сарын 17-20 -ны өдрүүдэд амжилттай зохион байгуулагдаж өндөрлөсөн байна. Энэхүү тэмцээнд нийт 10 орны 4000 гаруй тамирчин өрсөлдсөн аж.

            Манай улсаас тус тэмцээнд нийслэлийн Баянзүрх дүүргийн гимнастикийн төрөлжсөн сургалттай 21 дүгээр сургуулийн баг, дасгалжуулагч багш Э.Оргилмаагий удирдлага дор тамирчин Ц.Хулан, Н.Уянга-Ундрах, П.Баасансүрэн, Д.Намуунцэцэг нар амжилттай оролцож медальт байрт шалгарчээ.Харайлтын төрөлд Ц.Хулан аравдугаар түвшинд өрсөлдөн хүрэл медаль, П.Баасансүрэн олон төрөлтийн нийлбэр дүнгээр хүрэл медаль тус тус хүртсэн байна.

        АНУ-ын “WOGA CLASSIC”  академийн нэрэмжит энэхүү тэмцээнийг зохион байгуулагч Валерий Люкин хоёр удаагийн олимпын аварга, акробатикийн элементийг агаарт гурван хий эргэлтийг анх удаа хийсэн ЗХУ-ын гавьяат, спортын гимнастикийн домогт тамирчин юм. Харин түүний охин Настья Люкин дэлхийн шилдэг спортын гимнастикч, 2008 оны олимпын аварга, харин Валерий Люкины эхнэр уран сайхны гимнастикийн дэлхийн аварга тамирчин юм байна.