Сагсан бөмбөгийн Азийн аваргын урьдчилсан шатанд орох эрхийн тэмцээн “UG Arena”-д өнөөдөр эхэлнэ. Манай улсын баг 19:00 цагт Хонконгтой эхний тоглолтоо хийнэ. Харин манай өмнө 16:30 цагт болох Гуам Улс, Тайланд Улсын багуудын тоглолт анхаарал татаж байна. Учир нь тус хоёр баг нэгдүгээр шатанд нэг ч хожигдолгүйгээр хэсгээ тэргүүлсэн багууд юм.

           Өнөөдөр тэд тулна. Хонконгийн баг Азийн баг гэхэд харьцангуй биеийн хөгжил сайтай баг байна. Гуам Улсын багд  Америк тоглогчид байгаа. Нуруулаг, хүчирхэг баг байсан. Сингапур Улс шигшээ багаа бүрэн шинэчилж, шинэ хөтөлбөр хэрэгжүүлж эхэлсэн байгаа. Тайланд Улс дахиад гурван легионер тоглогчтой болсон байна.

         Харин манай баг  Тайланд, Малайзтай Улсуудын багтай тоглохгүй. Өмнөх шатны амжилтаа хадгалж хоёр дахь шат руу орж байгаа юм. Одоогийн байдлаар зургаан  багаас дөрвөн баг Азийн аваргын урьдчилсан шатанд орох эрхээ авна.