Монголын биатлоны шигшээ багийн зургаан тамирчин Латви Улсын Мадонад болж буй залуучуудын “IBU Cup” тэмцээнд оролцож байна. Энэ улиралд анхны тэмцээндээ оролцсон манай биатлончид эрэгтэй, эмэгтэйчүүдийн ганцаарчилсан төрөлд өрсөлдөв.

      Эрэгтэйчүүдийн 20 км-ын уралдаанд ОУХМ Э.Энхсайхан 133 тамирчнаас 72-т (3+1+0+2), спортын мастер Б.Анхболд 101-т (2+1+0+1) дүгээр байрт оржээ. Харин эмэгтэйчүүдийн 15 км-т ОУХМ М.Должинсүрэн 112 тамирчнаас (0+1+0+1)-ээр 55  дугаар байр эзэлжээ. Э.Энхсайхан, М.Должинсүрэн нар өнөөдөр дан холимог буухиа уралдаанд хурдаа сорино.