Олон улсын олимпын хорооны эв санааны нэгдлийн тэтгэлэгтэйгээр АНУ, Унгар болон Канад Улсад суралцах сургалтуудад хамрагдах боломжийг дасгалжуулагчдад нээлттэйгээр зарлалаа. МҮОХ-ны дэмжлэгтэйгээр Монголын туялзуур сэлэмний дасгалжуулагч Г.Халиунаа нь АНУ-ын ҮОХ, АНУ-ын Дэйлвэрийн их сургуулийн хамтарсан “Олон улсын дасгалжуулагчийн сертификат олгох” сургалтад суралцаж байгаа.

           Мөн Монголын каное каякийн спорт холбооны дасгалжуулагч Н.Батхишиг цахим сургалтад хамрагдаад байна. Унгар Улсын спортын шинжлэх ухааны их сургуулийн дасгалжуулагчийн гурван сарын хугацаатай тэтгэлэгт хөтөлбөрт Монголын хөлбөмбөг, жүдо, туялзуур сэлэмний дасгалжуулагчид амжилттай суралцаж төгссөн билээ.