МҮОХ-ны ерөнхий нарийн бичгийн дарга Э.Бадар-Ууган манай эх оронд хүрэлцэн ирээд буй Японы боксын холбооны ерөнхийлөгч Учида Саданобуг өнөөдөр “Олимпик хаус”-т хүлээн авч уулзлаа. Уулзалтын үеэр ерөнхий нарийн бичгийн дарга Э.Бадар-Ууган хоёр орны боксын уламжлалт найрсаг харилцааг сэргээж, хамтарсан бэлтгэлүүдийг зохион байгуулах сонирхолтой байгаагаа илэрхийлэв.

        Ноён У.Саданобу энэ санаачилгыг бүрэн дэмжиж, Монгол Улс руу чиглэсэн үйл ажиллагаагаа идэвхжүүлэхээр төлөвлөж байгааг дуулгав. Тэрбээр өчигдөр боксын насанд хүрэгчдийн улсын аварга шалгаруулах тэмцээн дээр очиж, манай тамирчдын тулааныг үзэж сонирхсон байна.