Монголын гимнастикийн холбооны спортын гимнастикийн эмэгтэй өсвөрийн шигшээ баг тамирчид Өмнөд Солонгосын Ченчуон хотын гимнастикийн төрөлжсөн сургалттай сургуульд 2023 оны нэгдүгээр сарын 16-аас 2023 оны гуравдугаар сарын 1-ний өдрийг хүртэл 45 хоногийн хугацаанд хамтарсан бэлтгэлд хамрагдаж байна.

      Хамтарсан бэлтгэлд хамрагдаж буй бүрэлдэхүүнийг танилцуулбал дасгалжуулагчаар спортын мастер Лхагважавын Мөнхзаяа, өсвөрийн шигшээ багийн тамирчин Содномцэрэнгийн Намуунжаргал, Анхбаярын Энххүслэн байгаа юм.

          Мөн хамтарсан бэлтгэлийг зохион байгуулахад  БНСУ-ын “WORLD GYMNASTIC EXERCISE INSTITUTE” ерөнхийлөгч Чой Жунг Ёонг, БНСУ-ын “HAN’S GYM”-ийн үүсгэн байгуулагч Азийн гимнастикийн холбооны Спортын гимнастикийн эрэгтэй техникийн хорооны ерөнхийлөгч Хан Ёонг Сүү туслалцаа дэмжлэг үзүүлсэн байна.

         Энэхүү хамтарсан бэлтгэлд хамтрагдсан баг тамирчид Турк Улсын Анталия хотод 2023 оны гуравдугаар сарын 29 -нөөс 2023 оны дөрөвдүгээр сарын 2 –ны өдрүүдэд зохион байгуулагдах хоёр дахь удаагийн өсвөрийн дэлхийн аварга шалгаруулах тэмцээнд оролцох юм.