Монгол Улсын Гавьяат тамирчин Э.Цэндбаатар мэргэжлийн боксын ээлжит тулаанаа Азербайжаны боксчины эсрэг хийлээ. Э.Цэндбаатар тулааны хоёрдугаар үед Азербайжаны боксчин Рауф Агаевыг хүнд цохилтоор буулган авав.

        Тэрбээр тулааны дараа “Мэргэжлийн боксын гурав дахь тулаанаа ямар ч бэртэл гэмтэлгүйгээр оролцож, ялалт байгууллаа. Багш байхгүй тулаанаа хийж байгаа учраас бага зэргийн тактикгүй байлаа.  Намайг дэмжсэн та бүхэндээ баярлалаа. Энэ амжилтыг доош нь унагаахгүй, улам өсгөхийг хичээнэ. Хүн бүр надад итгэж, амжилт хүсэж байсан учраас би эргэн ирж чадсан гэж боддог шүү. Та бүхний минь урмын үг үнэхээр чухал байдаг” гэлээ.