Дэлхийн Шатрын холбоо /ФИДЕ/, АНУ-ын Чикаго хотын хорих байгууллагатай хамтран хорих ял эдлэгсдийн дунд тив хоорондын шатрын аварга шалгаруулах анхдугаар цахим тэмцээн зохион байгуулж байна.

Тус тэмцээнд шатрын спортоор дэлхийд тэргүүлдэг АНУ, ОХУ, БНЭУ, Норвеги, Украйн зэрэг 32 орны 40 баг оролцож байна. Монгол Улсаас есөн хүмүүжигч тус тэмцээнд оролцож байгаа аж Монгол Улсын баг Филиппин, Австрали, Армени, Арабын Нэгдсэн Эмират, Киргизстан Улсын багтай нэг бүсэд оноолт таарч амжилттай тоглож, бүсээсээ хоёрдугаар байрт шалгарчээ. Монгол Улсын баг А хэсэгт Гүржийг 3:1, Палестиныг 3:1, Филиппинийг 2.5:1.5, ХБНГУ-ыг 4:0, ОХУ-ыг 3:1 харьцаатай хожиж, маргааш аваргын төлөө шигшээ тоглолтод өрсөлдөхөөр болжээ.

Монгол Улсаас оролцож буй тамирчдын бэлтгэлийг хангах болон тэмцээнд оролцуулах ажлыг МУГТ, Их мастeр, дэд хурандаа Т.Батчимэг хариуцан ажиллаж байна.