Увс аймаг үүсэн байгуулагдсаны 100 жилийн ойн баяр наадам үргэлжилж байна. Ойг угтан төр, нийгмийн нэрт зүтгэлтэн, маршал Юмжаагийн Цэдэнбалын хөшөөг засаж шинэчилжээ. Энэ ажилд төсвөөс 1.2 тэрбум төгрөг зарцуулсан гэж Сангийн сайд Б.Жавхлан мэдээлэв.

Тэрбээр “Бид хэмнэлтийн хуультай. ЗГ болон УИХ-ын тогтоолгүй аливаа ой, баяр наадмыг тэмдэглэхэд төсвөөс мөнгө гаргах боломжгүй. Энэ жилийн хувьд нэг аймаг 100 жилийн ойтой байлаа. Засгийн газрын тогтоол гарсан, бүтээн байгуулалтын ажлуудад төсвийн хөрөнгө оруулалтын тодорхой хэсгийг зарцуулсан байна. Тодруулбал, Увс аймгийн 100 жилийн ойг тохиолдуулан маршал Ю.Цэдэнбалын талбайг засаж янзлах, шинэчлэх ажилд 1.2 тэрбум төгрөгийн төсвийн дэмжлэгийг хуваарилсан. Энэ тогтоол, шийдвэр өнгөрсөн гуравдугаар сард гарсан” гэв.

Маршал Ю.Цэдэнбалын нэрэмжит хөшөөт цогцолбор Увс аймгийн Улаангом сумын төв талбайд байрладаг.