УИХ-ын чуулганы үдээс өмнөх хурапдаанаар Газрын тосны бүтээгдэхүүний тухай хуульд нэмэлт оруулах тухай хуулийн төсөл, Хот, суурины ус хангамж, ариутгах татуургын ашиглалтын тухай хуульд нэмэлт, өөрчлөлт оруулах тухай хуулийн төсөл, "Газрын тосны бүтээгдэхүүний тухай хуульд нэмэлт оруулах тухай хуулийн төсөл, Төр хувийн хэвшлийн түншлэлийн тухай хуулийг дагаж мөрдөх хуулийн төслүүд, Хот, суурины ус хангамж, ариутгах татуургын ашиглалтын тухай хуульд нэмэлт, өөрчлөлт оруулах тухай хуулийн төсөл  болон хамт өргөн мэдүүлсэн хуулийн төслүүдийг баталъя гэсэн саналын томъёоллоор санал хурааж батлав.

      Улмаар үдээс хойших хуралдаанаар УИХ-ын гишүүн Б.Баттөмөрөөс Монгол Улсын Ерөнхий сайдад хандаж “Дархан арьс ширний цогцолборын үйл ажиллагааны талаар” тавьсан асуулгын хариуг сонсох байв. Гэвч салбарын сайд буюу Хүнс, хөдөө аж ахуй, хөнгөн үйлдвэрийн сайд Ч.Болорчулуун Зүүн бүсэд ажиллах ажилтай тул асуулгын хариу сонсох хугацааг хойшлуулах хүсэлт ирүүлсэн тул хойшлууллаа. Ийн баасан гарагийн чуулганы хуралдаан өндөрлөв.