УИХ-ын чуулганы үеэр Д.Ганбат гурилын үнэ өссөн талаар Хүнс, хөдөө аж ахуй, хөнгөн үйлдвэрийн сайд Х.Болорчулуунаас асуулаа.

     УИХ ГИШҮҮН Д.ГАНБАТ: Газар тариалан үр тариагаа чамгүй сайн авч  байна. Монголын хөрс бол маш нимгэн, эмзэг гэдэг. Газар тариалан эрхлэх тохиромж нь чухам ямар байдаг юм. Х.Болорчулуун сайд та “Дөрөвдүгээр сараас хойш дэлхийн зах зээл, тэр дундаа ОХУ-ын зах зээлд үр тарианы үнэ хямдарсан байна. Түүнийг оруулахгүй” гэж хэлж байна. Аль, аль талаа бодох хэрэгтэй шүү дээ. Хэрэглэгчдээ ч бодох хэрэгтэй. Өнөөдөр сав гурил хөдөө орон нутагт 100 мянга даваад явчихлаа. Цааш хэд хүрэхийг та л мэдэж байгаа байх. Цагаан сараар монголчууд ямар үнэтэй гурил идэх вэ” гэв.

-ГУРИЛЫН ҮНЭ ОХУ-Д ИЛҮҮ ӨНДӨР БАЙНА-

      ХХААХҮ-ИЙН САЙД Х.БОЛОРЧУЛУУН:  Жилийн хэрэгцээний улаан буудай хангахаар ургацын баланс гарч байна. Нийт 400 мянган тонн улаан буудай авч байна. Чанарын асуудал жил бүр л яригддаг. Үндэсний дотоод үйлдвэрлэлээ дэмжих үүднээс ямар ч байсан хавар хүртэл гаднаас авахгүй. “Та бүхэн бор, шар гэхгүй дотоодын улаан буудайгаа худалдаж ав” гэх чиглэлийг өгөөд, үйлдвэрүүд гурав, дөрөвдүгээр зэргийн будааг хүртэл голохгүй авч байгаа. Үнэ тогтворжуулах гээд тогтоол гаргасан боловч үнэ тогтворжуулах гээд нэр нь хүртэл буруу тавигдсан. Өнгөрсөн жил улаан буудайн үнийг 650-660 мянгаар авч байсан. Энэ жил  900 мянгаас сая төгрөгөөр улаан буудай авч байгаа. Улаан буудайн үнэ өссөнөөс гурилын үнэ өссөн.  Гэхдээ гурилын үнэ ОХУ-д илүү өндөр байгаа шүү. Манайх дэлхийд үнэтэй гурил, будуу идэж байгаа гэвэл өрөөсгөл ойлголт болно. Мөн ОХУ энэ жил 150 сая тонн улаан буудайг авсан байна. Сүүлийн 30, 40 жил аваагүй улаан буудай авсан гэнэ. Тиймээс “Манай орноос улаан буудай аваач” гэсэн саналыг тавьж байна. Манай Хүнс, хөдөө аж ахуй, хөнгөн үйлдвэрийн яамны бодлого бол тариалалтынхаа улаан буудайг бор, шар гэхгүй гурилын үйлдвэрүүд голохгүйгээр авсны дараа дутагдвал улаан буудай оруулах асуудлыг хавраас ярихаас биш, түүнээс өмнө улаан буудай оруулахгүй. Өмнө нь 200 гаруй мянган тонн улаан буудай нэгж жил оруулж ирж тариаланчдадаа хүндрэл учруулсан. Хавар хүртэл гаднаас улаан буудай оруулахгүй гэдгийг онцлон хэлье. Гурилын үнийн хувьд улаан буудайн үнэ 50-55 хувиар өссөн. Улаан буудайнд ордог түлш шатахуун гэхэд 40 хувь, ургамал хамгааллын бодис бордоо гэхэд 80-100 хувь өссөн байна” гэв.