Төрийн өндөр албан тушаалыг худалдах, төрийн эрхийг хууль бусаар авахаар санаархсан гэх “60 тэрбум”-ын тодотголтой хэрэгт холбогдоод улс төрөөс “жийгдсэн” М.Энхболд өнөөдөр намын Удирдах зөвлөлийн хуралдаа иржээ. Түүнийг намын даргаар ажиллаж байсан, 2016 оны УИХ-ын сонгуульд ялалт байгуулсан зэргийг нь хүндэтгэн үзэж намаас хөөх зэргээр элдэв хариуцлага тооцохгүй, харин УИХ-ын 2020 оны сонгуульд нэр дэвшүүлэхгүй гэж тухайн үедээ ярилцсан байна. М.Энхболд ч үүнийг хүлээн зөвшөөрч, дахин ямар нэг төрийн өндөр албан тушаал хашихгүй гэдгээ мэдэгдсэн гэх яриа бий.  

Түүнийг 2019 оны нэгдүгээр сард УИХ-ын даргын албан тушаалаас чөлөөлсөн юм. Түүнээс хойш улс төрөөс хол, нам жим байсан тэрбээр өнөөдөр хотын удирдлагуудыг сонгох Удирдах зөвлөлийн хуралд хүрэлцэн иржээ.