УИХ-ын чуулганы хуралдаанаар УИХ дахь МАН-ын бүлгийн дэд дарга Х.Булгантуяа мэдээлэл өглөө. Тэрбээр “Тогтоолын хавсралтыг шинэчлэн батлах тухай УИХ-ын тогтоолын төслийг хэлэлцэх эсэх асуудлыг тус байнгын хороо өнөөдрийн хуралдаанаар хэлэлцэж байна.  Хөгжлийн бодлого төлөвлөлт түүний хэрэгжилтийн 19 дүгээр зүйлийн 19.1.2-т заасан гадаад, дотоод орчны нөлөөлөл хүчин зүйлээс шалтгаалан улсын эдийн засаг, төсөв, санхүүгийн нөхцөл байдал өөрчлөгдсөн байх. Мөн зүйлийн 19.2 дахь хэсэгт заасан дунд хугацааны баримт бичигт өөрчлөлт оруулахад “Монгол Улсын урт хугацааны хөгжлийн бодлогод нийцүүлнэ” гэж заасны дагуу алсын хараа 2050, Монгол Улсын урт хугацааны бодлого хэрэгжүүлэх тухай, Шинэ сэргэлтийн бодлого батлах тухай болон урт болон дунд хугацааны баримт бичгүүдэд нийцүүлэн боловсруулж, өргөн мэдүүлсэн байна. 2021-2025 оны хөрөнгө оруулалтын хөтөлбөрийн санхүүжилтийн эх  үүсвэр шийдвэрлэгдсэн төсөл арга хэмжээний жагсаалт, санхүүжилтийн эх үүсвэрийг шийдвэрлэх шаардлагатай болон гэрээ сунгагдаж санхүүжилт,  төсөл арга хэмжээний жагсаалт, техник эдийн засгийн үндэслэл, зураг төсөл боловсруулах шаардлагатай төсөл арга хэмжээний жагсаалтад нэмэлт оруулах, жагсаалтаас хасах, бусад төсөл арга хэмжээний жагсаалт хооронд шилжүүлэх, төсөл арга хэмжээний байршил төсөвт өртөг санхүүжилтийн байршил мөрдөх шалгуур үзүүлэлтийг өнөөгийн үүссэн нөхцөл байдалд нийцүүлэн тогтоолын төсөл боловсруулжээ. Тус төслийг хэрэгжүүлснээр эдийн засгийн мега үзүүлэлт нэмэгдэж, санхүүгийн эх үүсвэрүүд тодорхой болж, төслийн ашиглалт, үр өгөөж дээшилж цар тахлын нийгэм, эдийн засагт үзүүлэх сөрөг нөлөөллийг буурна хэмээн төсөл санаачлагчдаас үзсэн байна” гэлээ.