Соёлын сайд Ч.Номингийн гомдлоор иргэн Э.Одбаярыг Зөрчлийн тухай хуулиар торгосон гэх мэдээлэл гараад байгаа билээ. Тодруулбал, Э.Одбаярыг “Соёлын сайд Ч.Номингийн нэр хүндэд хүндэтгэлгүй хандсан” хэмээн 100 мянган төгрөгөөр торгосон гэсэн юм.

Тэгвэл энэ талаар албаны эх сурвалжаас тодруулахад “Ч.Номингийн гомдлоор Эрдэнийн хүү Одбаярыг 100 мянган төгрөгөөр торгосон гэдэг нь худал мэдээлэл. Соёлын сайд Ч.Номин нэг ч гомдол гаргаагүй” гэлээ.

            Мөн энэ талаар иргэн Э.Одбаяраас тодруулах гэсэн боловч түүний эхнэр “Э.Одбаяр утасгүй байгаа. Одоохондоо холбоо барих боломжгүй. Торгосон эсэхийг өөрөө мэдэж байгаа” гэх тайлбарыг өглөө.