Томуу, томуу төст өвчний үеэр хүүхдийг зөв асарч хамгаалах нь өвчнөөс сэргийлэх, мөн өвчлөлийг хүндрүүлэхгүй байх хамгийн чухал хүчин зүйлсийн нэг юм. Мэргэжлийн эмч нарын зөвлөснөөр хүүхдийн биеийн дулааныг хадгалах, хангалттай шингэн уулгах, тохирсон хооллолтыг анхаарах нь биеийн эсэргүүцлийг дэмжихэд хамгийн үр дүнтэй арга. Гэнэт өндөр халуурч, толгой өвдөж, дотор муухайрч, хамар битүүрэх, нус нулимс гоожих, ханиалгах, найтаалгах, хомхой долоох, хоолой өвдөж хавдах, цээж хүнд оргиж, хатгуулах, хөлрөх гэх мэт шинж тэмдгүүдээс илэрнэ. Иймээс та:

• Даарч хөрөхгүй, дулаан хувцаслаж явах
• Хөлөрч яваад салхи цохиулахгүй байх
• Ханиад томуу ихтэй үед олон нийтийн газраар аль болох цөөн явах
• Гэр байраа агааржуулж, чийгтэй цэвэрлэгээ тогтмол хийж, утаа хиншүү хярвас, тоос шороо бужигнуулахгүй байх.
• Чанартай халуун бүлээн хоол цайгаа тогтмол цагаар идэж уух
• Ханиадтай хүнтэй хамт байгаа үед амны хаалт зүүх, жимсний халуун шүүс, халуун аарц, зөгийн балтай халуун сүү уух зэргээр дархлаагаа сайжруулах
• Хэт ядартлаа ажиллах, нойр хоол муутай явах, уурлаж бухимдах зэргээс бие суларч дархлаа муудаж, өвчлөх нөхцөл бүрддэг тул биеэ гамнаарай