Улсын онцгой комиссоос хаваржилтын нөхцөл байдлын талаар мэдээлэл өглөө.

Энэ үеэр УОК-ын нарийн бичгийн дарга Т.Баярхүү “Нийт 300 орчим мянган толгой малын сэг зэмийг цуглуулж, устгасан. Хаваржилтын нөхцөл байдал хүндэрсэнтэй холбоотойгоор холбогдох байгууллагуудаас тусламж үйлчилгээ үзүүлж байгаа. Өнөөдрийн байдлаар 50 иргэн, 164 ААН байгууллагын 3.6 тэрбум төгрөгийн хандив тусламжийг УОК-д ирүүлсэн. Мөн 888 сая төгрөгийн бараа материал ирүүлснийг холбогдох аймгууд руу нь хүргүүлсэн. ОХУ-аас нийт 5400 тонн улаан буудай хүлээж авснаас 4434 тонныг нь 15 аймаг руу хуваарилан хүргэх ажиллагааг зохион байгуулж байгаа”гэв.