Баянзүрх дүүргийн 26 дугаар хороонд байрлах Дүнжингарав худалдааны төвийн урд нэгдүгээр сарын 24-ны өдөр 01:05 цагт газ ачиж явсан ачааны автомашин дэлбэрч, зургаан хүн амиа алдаж, олон айл эд хөрөнгөөрөө хохирсон. Уг ослын улмаас 14 иргэн ГССҮТ-д хандсаны дөрөв нь тухайн үед эмчилгээ хийлгээд буцсан. Харин зургаан иргэн эрчимт эмчилгээний тасагт эмчлүүлж байв. Эрчимт эмчилгээний тасагт эмчлүүлж байсан зургаан иргэний хоёр нь ар гэрийн хүсэлтээр гадаад оронд эмчлүүлэхээр явсан байна. Эмчлүүлж байсан иргэдийн нэг нь битүүний өдөр нас барсан харамсалтай мэдээлэл бий.