Монгол Улсын гарьд М.Бадарч ес давж, улсын арслан боллоо.Харин Ц.Бямба-Отгон үзүүрлэж, улсын гарди цолны болзол хангаж байна. Улсын арслан цолны болзол хангасан М.Бадарч 1990 онд Архангай аймгийн Цэнхэр суманд төрж, өссөн билээ.

             Тэрбээр 2012 онд  Архангай аймгийн баяр наадамд сумын заан Б.Мөнх-Эрдэнээр найм давж түрүүлээд  аймгийн арслан  цол хүртсэн. Харин 2016 онд Бүх цэргийн баяр наадамд цэргийн начин Д.Цэрэнтогтоход өвдөг шороодон үзүүрлэж "Бадрангуй" чимэг хүрэж байлаа.  Мөн 2017 онд Бүх цэргийн баяр наадамд тав давж шөвгөрөн “Нэмэх” чимэг хүртсэн. Одоо "Нутгийн буян" компанийн нэр дээр барилдаж байгаа.