Үндэсний их баяр наадмын соёолон насанд Дархан-Уул аймгийн Дархан сумын уугуул Г.Ариунболдын хээр соёолон түрүүлсэн.

        Түрүү морины уяач Ц.Мөнх-Эрдэнэ  "Төрийн наадамдаа торгон жолоо өргөсөндөө баяртай байна. Монгол Улсын тод манлай уяач Т.Ихбаяр ах дээрээ ирээд 11 жил болж байна. Хээр соёолон маань өнгөрсөн жил Налайхын бүсэд аман хүзүүдсэн.Хэнтий аймагт ирж мориныхоо уяа сойлгийг тааруулсан. Энэ жил бүсэд уралдана. Уясан морь минь төрийн наадамд  түрүүлнэ гэдэг уяач хүний хамгийн том жаргал, их баяртай байна.  Тэр дундаа соёолон түрүүлнэ гэдэг том бахархал. Нар хур тэгширсэн наадамдаа сайхан наадаарай" гэв.