Автомашины бүхээгт нэг иргэн хавчуулагдан нас баржээ. Тодруулбал, Сэлэнгэ аймгийн Баянгол сумын Баян багийн Хусдайн даваа гэх газар автозамын осол болж автомашины бүхээгт нэг хүн хавчуулагдан, нас барсан тухай дуудлага өчигдөр Онцгой байдлын газарт иржээ. Дуудлагын дагуу тус аймгийн Онцгой байдлын газрын Баянгол сум дахь Гал түймэр унтраах, аврах 40 дүгээр ангийн алба хаагчид тухайн газар очиход, Хустайн давааны хойд бэлд автозамын зорчих хэсгийн хажууд зогсож байсан “FVR33P” загварын ачааны автомашины хойд талаас Ранжер загварын ачааны автомашин мөргөж, жолооч 59 настай М автомашиныхаа бүхээгт хавчуулагдан нас барсан байжээ. Улмаар цогцсыг гаргаж, Сэлэнгэ аймгийн Мандал сумын сум дундын Цагдаагийн мөрдөгчид шилжүүлэн өгсөн байна.