Улаанбаатар хотод хүйтний эрч эрс чангарах цаг агаарын урьдчилсан мэдээг Цаг уур, орчны шинжилгээний газраас танилцуулаад байна. Тэгвэл энэ өдрүүдэд автозамын түгжрэл нэмэгдэж, тэг зогсолт болох нөхцөл байдал үүсэж байгаа тул Хот хариуцсан сайд Ж.Сүхбаатар шаардлагатай арга хэмжээг зохион байгуулж ажиллах шаардлагатай тухай албан бичгийг Нийслэлийн засаг дарга бөгөөд Улаанбаатар хотын захирагч Д.Сумъяабазарт хүргүүлсэн. Ингэхдээ сургууль, цэцэрлэгийн үйл ажиллагааг цахимаар болон нөхөн хичээллэх бололцоотойгоор зохион байгуулах санал гаргасан. Энэ талаар Нийслэлийн Засаг даргын тамгын газраас тодруулахад "Одоогоор захирамж гараагүй байна. Захирамж гарахаар мэдээлэл өгнө "гэв.