Монгол Улсын төрийн дээд шагнал, тэргүүн зэргийн “Чингис хаан” одон хүртээх талаар Ерөнхийлөгчийн Тамгын газраас мэдээлэл хийлээ.

      Энэ үеэр  Ерөнхийлөгчийн Тамгын газрын дарга Я.Содбаатар “ Энэ жил “Чингис хаан” одонг хоёр хүнд гардуулна. Эхнийх нь АНУ-ын монголч эрдэмтэн Макалестер коллежийн хүндэт профессор Жак Уэтерфорд. Тэрбээр Ерөнхийлөгч У.Хүрэлсүхийн урилгаар Монгол Улсад хүрэлцэн ирсэн бөгөөд монголчууд түүнийг “Өнөөгийн ертөнцийг үндэслэгч Чингис хаан” хэмээх номыг үндэслэгч гэдгээр нь мэднэ. Харин “Чингис хаан” одонг хүртэж байгаа хоёр дахь эрхэм бол ШУА-ийн Газар зүйн хүрээлэнгийн тэргүүлэх ажилтан, академич, доктор, профессор Д.Доржготов. Тэрбээр хөрс судлал, эко систем, байгаль орчин судлалын чиглэлээр олон арван бүтээл туурвисан ахмад эрдэмтэн” гэв.