Монголын сагсанбөмбөгийн Үндэсний шигшээ баг АШТ-ний урьдчилсан шатны тэмцээнд хоёрдугаар шатанд шалгараад байгаа билээ. Тэгвэл тоглолтын турш багийн ахлагчийн үүргээ нэр төртэй гүйцэтгэж, амжиллтай довтолгоо, шидэлтүүдээр үзэгчдийг шуугиулсан Үндэсний дээд лигийн долоон удаагийн аварга “Хасын хүлэгүүд” багийн ахлагч Б.Билгүүнийг онцлоллоо. “Хасын хүлэгүүд” баг сүүлийн 10 жилд есөн удаа аваргын төлөө өрсөлдөхөд Б.Билгүүний оролцоо, гавьяа асар их билээ. 

-2022 оны дээд лигийн финалын үнэ цэнэтэй тоглогч

-Б.Билгүүн финалд “Эрдэнэтийн уурхайчид”-ын эсрэг 22,5 оноо дунджилсан

-2022 оны дээд лигийн улирлын тэргүүн тоглогчоор тодорсон

-Дээд лигийн финалын MVP, улирлын тэргүүн тоглогчоор шалгарсан Монголын анхны тоглогч

-Б.Билгүүн 14 настайдаа сагсан бөмбөгөөр анх хичээллэсэн

-2005 онд “Баганат өргөө” багийн бүрэлдэхүүнд лигт анх удаа тоглосон

-Түүнээс хойш өнөөг хүртэл 17 жил лигт супер түвшинд тоглож байна

-Хамгийн сайн хамтрагч нь ОУХМ О.Сэргэлэн.

-“Хасын Хүлэгүүд” багт хамтдаа 10 жил тоглож байна

-Б.Билгүүнийг спортын хүрээнийхэн “Томми” гэдэг нэрээр нь сайн мэднэ

-Монголын сагсан бөмбөгийн хөгжил, тамирчдынхаа төлөө үргэлж дуугардаг нэгэн

-Б.Билгүүн сагсан бөмбөгчидтэй хамтран “Ирээдүй” холбоог байгуулсан

-“Хасын Хүлэгүүд” багийг түүнгүйгээр, Б.Билгүүнийг “Хасын Хүлэгүүд” баггүйгээр төсөөлөхийн аргагүй

-“Хасын Хүлэгүүд” багт хамгийн олон жил үнэнч тоглож буй тамирчдын нэгэн