Ховд аймгийн Манхан сумын Ботгоны хавцал гэх газар ачааны автомашин замын хажуу руу унаж, автомашины бүхээгт хоёр хүн хавчуулагдсан тухай дуудлага өчигдөр бүртгэгджээ. Дуудлагын дагуу тус аймгийн Онцгой байдлын газрын Манхан сум дахь Эрэн хайх, аврах бүлгийн алба хаагчдыг очиход Баян-Өлгий аймгаас Баянхонгор аймгийн чиглэлд шатахуун тээвэрлэж явсан “Норд Бенз” загварын ачааны автомашин замын хажуу руу унасан байжээ.

     Улмаар жолооч А, 51 настай эрэгтэй, зорчигч Ш 44 настай эрэгтэй/ нар автомашины бүхээгт хавчуулагдаж нас барсан байсныг нэг цаг ажиллаж цогцсыг гарган, аймгийн тээврийн Цагдаагийн тасгийн даргаар ахлуулсан бүрэлдэхүүнд шилжүүлэн өгсөн байна.