Дарханы төмөрлөгийн үйлдвэрийг төрд буцаан авах шийдвэрийг Засгийн газар гаргажээ. 2011 онд  "Кью Эс Си" ХХК "Дарханы төмөрлөгийн үйлдвэр" компаны концессын гэрээг эзэмшсэн байдаг. Тус үйлдвэрт хөрөнгө оруулж, өргөжүүлэх үүрэгтэй "Кью Эс Си" компани Хөгжлийн банкнаас 2014 онд  71.3 сая долларын зээл авсан бол өнөөдрийн байдлаар хөгжлийн банканд 191 тэрбум төгрөгийн өртэй байна. Энэ талаар Монгол Улсын Шадар сайд С.Амарсайхан "Дарханы төмөрлөгийн үйлдвэрийг  анх хувьчилж авахдаа гангийн цогцолбор барина гэж авсан. Гэтэл жилдээ 50-60 арматур төмөр үйлдвэрлэж байсан үйлдвэр үйл ажиллагаа нь зогсоод өргөжих бус хумигдсан. Цогцолбор барих ёстой хөрөнгө оруулалтаа ч хийгээгүй. Төмөртэйн ордны хүдэрийг гадагшаа үйлдвэрлэх экспортлох замаар өнгөрсөн найман жилийн хугацаанд 1.8 их наяд төгрөгийн борлуулалт хийсэн байдаг.

  Төрийн өмнө хүлээсэн үүргээ биелүүлэхгүй байна. Өөрсдийн хөрөнгөөр татсан төмөр замаа хэд дахин нугалаад  Засгийн газраас 90 сая ам.доллар авсан. Тус төмөр зам Төмөртэйн үйлдвэрийн хүдэрийг  гадагшаа экспортлоход зориулагдаж, олсон мөнгө нь буцаад компанийн ашиг болсон. Одоогийн байдлаар таван сая гаруй тонн төмрийг гадагшаа гаргасан. Гэтэл бид армутараа гаднаас авдаг, дотроо төмрийн үйлдвэртээ байж , тэр нь одоо ажиллахаа больсон. Хувьчилж авсан компани үүргээ биелүүлээгүй, баялгаа гадагшаа зөөсөөр байгаад хоосон нүх төрд буцааж өгөх гэж байна.