В.Кросногоровын  "Би ч гэсэн жаргамаар байна" уянгын драмын жүжиг Увс аймагт тоглогдохоор болжээ. Тодруулбал, Төрийн соёрхолт, Урлагийн гавьяат зүтгэлтэн Н.Наранбаатар найруулагч энэхүү жүжгээ Увс аймгийн үзэгчдэд толилуулахаар бэлтгэл ажилдаа оржээ.

     Тус жүжиг нь  Улсын драмын эрдмийн театрын тайзнаа 2010 онд нээлтээ хийж, 2018 онд дахин тоглогдож, өнгөрсөн жил мөн тайзнаа тавигдсан билээ.

        Жүжгийн үйл явдлаас товчхон өгүүлэхэд, нэгэн амралтын өдөр гэр бүлийн хоёр хуримын ойгоо тэмдэглэхээр дотны найзуудаа гэртээ урьж буйгаар үйл явдал эхэлнэ. Гэтэл тэднийд уригдсан хоёр зочин нь үнэндээ эхнэр, нөхөр хоёрын сайн найз дүү нар нь биш  байна. Харин нууц амрагууд нь байдаг. Үнэн хэрэгтээ эхнэр нөхөр хоёрын тэмдэглэлт хуримын ой ч гэсэн хэн хэнээсээ уйдсан хоёрын уйтгартай амьдралын инээдэмтэй жүжиг байх болно.