Монголын буудлага спортын холбооны цомын аварга шалгаруулах тэмцээн үргэлжилж байна. Өчигдөр урт бууны  шигшээ тэмцээний  10 м-ийн болон 50 м-ийн эрэгтэй, эмэгтэй ганцаарчилсан дасгалын шилдгийн шилдгүүд тодорлоо.

     Хийн урт бууны 10 м-ийн дасгалд Н.Баяраа “Алдар” спорт хороо 250.6 оноогоор нэгдүгээр байр  шалгарлаа. Хоёрдугаар байрт “Хилчин” спорт хорооны Б.Эрхэмбаяр 205.3 оноогоор, гуравдугаар байрт  “УБИС”-ийн М.Бөхбат 227.1 оноогоор орлоо.  Эрэгтэйчүүдийн 50 м-ийн дасгалд "Алдар"-ын Н.Баяраа, хоёрдугаар байрт "Снайпер"-ын Ж.Ганхуяг, гуравдугаар байрт "Хилчин"-ий Б.Эрхэмбаяр шалгарсан юм.

     Харин эмэгтэйчүүдийн хийн урт бууны 10 м-ийн дасгалд Сэлэнгэ аймгийн залуу тамирчин Я.Марал 251.6 оноогоор түрүүлэв. Хоёрдугаар байрт СХД-ийн тамирчин Т.Номин251.5 оноогоор, гуравдугаар байрт Орхон аймгийн тамирчин О.Мөнхзул 229 оноогоор шалгарлаа. Эмэгтэйчүүдийн 50 м-ийн дасгалд "Хүч" спорт хорооны О.Есүгэн 623 оноогоор тэргүүлэв. Хоёрдугаар байрт мөн "Хүч"-ийн Г.Нандинзаяа 618.4 оноогоор, гуравдугаар байрт "Алдар" спорт хорооны Ч.Нарантуяа 615.6 оноогоор орлоо.