Ой тогтоолтын Дэлхийн Холбооноос зохион байгуулсан  34 дэх удаагийн ой тогтоолтын дэлхийн аварга шалгаруулах тэмцээн боллоо. Энэ удаагийн ДАШТ-д 15 орны 169 тамирчин харааны болон сонсголын ой тогтоолтыг шалгасан арван төрлөөр гурван өдрийн турш өрсөлдөж аваргуудаа тодрууллаа.

    Манай улсын тамирчин олон улсын их мастер О.Наранзул 8225 оноогоор өсвөрийн дэлхийн аваргын цомыг хүртэн нийлбэр дүнгээр насанд хүрэгчдийг ялж 2025 оны  дэлхийн аварга болж, 10 сая төгрөгийн эзэн боллоо.

   О.Наранзул 2024 онд “Мемори Лиг”-ийн улсын аварга,  “Оюуны олимп-2024”-ийн аварга, 2025 оны ой тогтоолтын улсын аварга болж улмаар 2025 оны дэлхийн аварга боллоо.

    Монгол Улсаас нийлбэр дүнгээр дэлхийн аварга болж буй дөрөв дэх тамирчин болж түүхэнд нэрээ үлдээлээ. Манай баг, тамирчид ДАШТ-ий 90 багц медалиас 66 медалийг хүртэж, багийн дүнгээр тэргүүлсэн байна.