Үндэсний бөхийн “Алтан цом”-ын төлөөх багуудын гуравдугаар тойргийн сүүлийн хагаст “Хамаг Монгол” баг, “Хубилай хаан” багуудын барилдаанд “Хамаг Монгол” баг 14:11-ийн харьцаатай даваагаар эхний ялалтаа авлаа. “Хамаг Монгол” багт дархан аварга Н.Батсуурь /2/, тавдугаар тойргоос сэлгээнд суусан.

    Түүний оронд орж барилдсан аймгийн арслан Г.Цоггэрэл /0/, улсын заан Б.Бат-Өлзий /3/, улсын харцага О.Наранбаатар /2/, гуравдугаар тойргоос сэлгээнд сууж, түүний оронд орж барилдсан аймгийн арслан Б.Цагаанбанди /2/, улсын өсөх идэр начин Л.Энхсаруул /4/, аймгийн арслан Ө.Батсуурь /1/ нийт 14 даваагаар ялалтаа аваад байгаа. Харин “Хубилай хаан” багт улсын арслан Ц.Бямба-Отгон /4/, улсын начин Д.Амарсайхан /0/ хоёрдугаар тойргоос сэлгээнд суусан.

    Түүний оронд орж барилдсан аймгийн арслан М.Гантулга /0/ дөрөвдүгээр тойргоос сэлгээнд сууж, түүний оронд орж барилдсан аймгийн арслан М.Эрхэмбаяр /1/, улсын начин Б.Даваа-Очир /2/, улсын начин Б.Лхагвадорж /1/, улсын начин Б.Түвшинтөгс /3/, нийт 11 даваа авлаа.  “М-Си-Эс Энержи” баг, “АПУ Скайтел” багтай учраа тааран барилдсанаас “М-Си-Эс Энержи” баг 14:11-ээр гурав дахь ялалтаа авлаа.

    “М-Си-Эс Энержи” багт улсын арслан Э.Батмагнай /4/, улсын харцага Ц.Мөнхбаяр /1/, гуравдугаар тойргоос сэлгээнд сууж, түүний оронд орж барилдсан аймгийн арслан Д.Аззаяа /0/, аймгийн хурц арслан Д.Алтанцоож /3/, аймгийн арслан Ц.Төмөрцоож /3/, аймгийн арслан Ч.Алтангэрэл /3/ нийт 14 даваагаар ялалтаа авлаа.

   “АПУ, Скайтел” багт улсын арслан Б.Орхонбаяр /4/, улсын харцага Б.Цэдэнсодном /0/, дөрөвдүгээр тойргоос сэлгээнд сууж, түүний оронд орж барилдсан улсын өсөх идэр начин Ч.Батчулуун /1/, аймгийн хурц арслан Б.Очирхүү /2/, аймгийн хурц арслан Н.Амгаланбаатар /3/, аймгийн арслан Э.Баасанжав /0/, дөрөвдүгээр тойргоос сэлгээнд сууж, түүний оронд орж барилдсан аймгийн арслан О.Баярбаасан /1/ нийт 11 даваа авсан юм.

    Дараагийн долоо хоногт Монголын үндэсний бөхийн холбооны “Алтан цом” -ын дөрөвдүгээр тойргийн барилдаанууд болно.  Арванхоёрдугаар сарын20-ны бямба гараг 14:30 цагт болно. “Хатант Интернэшнл” баг – “Хүлэгү” багтай, “Эв Монгол” баг – “АПУ Скайтел” багтай барилдана. Харин  арванхоёрдугаар сарын 21-ний ням гарагт 14:30 цагаас “М Си Эс Энержи” баг – “Хамаг Монгол” багтай, “Од групп” баг – “Хубилай хаан” багтай тус тус барилдах юм.