Холимог тулааны "ЛИВАН-2025" өсвөр үе, насанд хүрэгчдийн Ази тивийн аварга шалгаруулах тэмцээнд оролцох Монгол улсын баг тамирчид өнөөдөр эх орноосоо мордлоо. Азийн 30 гаруй орны тамирчид хуран чуулж өрсөлдөх тус тэмцээн Ливан Улсын Жуния хотод арванхоёрдугаар сарын 4-10-ны өдрүүдэд зохион байгуулагдах юм.

    Тэмцээний 14-15 насны ангиллын охидын -48 кг-ын жинд “Хургайтай Хайрхан” клубийн тамирчин Э.Ануударь өрсөлдөнө. Харин14-15 насны хөвгүүдийн 52 кг-д “Ширэн бээлий” клубийн Б.Барсболд), Б.Тэлмүүнтамир нар тулалдах юм. Мөн 16-17 насны ангиллын 61.2 кг-д “Team Omega” клубийн тамирчин Я.Өсөхбаяр өрсөлдөхөөр Ливаныг зорьж байна. Насанд хүрэгчдийн ангиллын 52.2 кг-ын жинд “Галт дэвжээ”-ний тамирчин Н.Баттулга эх орноо төлөөлөн октагонд гарах болно. Баг тамирчдыг ахлан “Болд нударга” клубийн дасгалжуулагч Т.Болдбаатар, “Team Omega” клубийн дасгалжуулагч Г.Түвшин нар ажиллах юм.