Баянхонгор аймгийн өсвөр үеийн  чөлөөт бөхчүүдийн сүүлийн хэдэн жил УАШТ-д тогтмол амжилттай оролцож байгаа билээ. Ялангуяа охид нь 2015, 2016 онд багийн дүнгээр тэргүүлж байлаа. Хонгор нутгаас төрөх ирээдүйн хүчтэнүүдийг бэлтгэж буй С.Мөнхдуулдах дасгалжуулагч 1986 оны энэ өдөр мэндэлжээ.

       Тэрбээр Монгол Улсын гавьяат тамирчин Ц.Нацагдоржийн байгуулсан “Байдрагийн хүчтэн” дэвжээнд дасгалжуулагчаар ажиллаж  ажил, амжилтын гараагаа эхлүүлсэн юм. С.Мөнхдуулдах багш  ОУХМ Б.Хонгорзул,  Ө.Пүрэвсүрэн, Э.Бямбадорж, Э.Батмагнай зэрэг чөлөөт бөхийн шилдэг тамирчдыг бэлтгэн гаргасан.  Баянхонгор аймагт 2011 оноос хойш чөлөөт бөхийг хөгжүүлэхийн төлөө хичээнгүйлэн зүтгэн, ажиллаж байгаа залуу дасгалжуулагч юм.  Түүний шавь нараас Азийн аварга, Азийн хүүхдийн наадмын аварга хүртэл болсон байгаа.