“Парис 2024” 17 дахь удаагийн паралимпын наадмын нээлтийн ёслол Улаанбаатарын цагаар шөнийн 02:00 цагт эхэлж  албан ёсоор “хөшиг”-өө нээв. Энэ удаагийн наадамд 168 орны 4400 гаруй тамирчин спортын 22 төрөлд 549 багц медалийн төлөө 11 хоногийн хугацаанд өрсөлдөх юм. Манай улсаас спортын зургаан төрөлд 12 тамирчин өрсөлдөнө. Монголын багийн тугчаар Монгол Улсын-ын Хөдөлмөрийн баатар, гавьяат тамирчин Э.Содномпэлжээ, байт харвааны тамирчин ОУХМ  Б.Оюун-Эрдэнэ нар төрийн далбаагаа мандуулан баг тамирчдаа манлайлан жагсав.