Нисэх загварын спортын  ДАШТ, АНУ-ын Манси хотод энэ  сарын 11-17-ны өдрүүдэд амжилттай зохион байгуулагдаж өндөрлөлөө. Тус ДАШТ-д 31 орны 400 гаруй тамирчин оролцсон байна. Монгол Улсын шигшээ багийн тамирчид эх орноо төлөөлөн оролцсоноос эмэгтэйчүүдийн ангилалд Төв аймгийн "Залуу зохион бүтээгч" клубийн тамирчин Нандинцэцэгийн Номин мөнгөн медаль хүртэж  дэлхийн аварга шалгаруулах тэмцээнээс хошой мөнгөн медалийг хүртсэн тамирчин болов. Мөн Дашдоржийн Буяндорж өсвөр үеийн ангилалд хүрэл медаль хүртэж, төрийн алтан соёмбот далбаагаа АНУ-ын тэнгэрт мандуулжээ.