Жүдо бөхийн “Мон-Алтиус Цагаанбаатар академи”-д Өмнөд Солонгосын  алдарт жүдочин “Чой үүрээ”-ний  эзэн олимп, дэлхийн аварга  Чой Мин Хо урилгаар ирж сургалт орж байна. Тэрбээр тамирчин хүүхдүүдэд тодорхой хугацаанд багшлахаар хүрэлцэн иржээ. Чой Мин Хо 2003 оны дэлхийн аварга, 2004 оны Афины олимпын хүрэл,  2007 оны дэлхийн аваргын хүрэл, 2008 оны Бээжин олимпын аварга жүдочин юм. Тэрбээр Өмнөд Солонгосын Жүдо бөхийн Үндэсний  шигшээ багт  2012-2016 онуудад дасгалжуулагчаар ажиллажээ.