2024 оныг Дархан-Уул аймаг "Биеийн тамир, спорт, өсвөрийн тамирчдыг дэмжих жил" болгон зарласан байна. Энэ хүрээнд Дархан-Уул аймгийн Засаг даргын Тамгын газар, гар бөмбөгийн холбоотой хамтран “DARKHAN CUP-2024”  “U15-17” насны гар бөмбөгийн нээлттэй тэмцээнийг зохион байгуулж байна.

          Тэмцээнд Улаанбаатарын гурван дүүрэг, есөн аймгийн эрэгтэй, эмэгтэй нийт 75 багийн 800 гаруй тамирчин оролцохоор болжээ. Найрамдлын Дархан хотноо эхэлсэн тус тэмцээн энэ сарын 8-10-ны өдрүүдэд Хуучин Дархан спорт цогцолбор, БТСГ, ОИЦ, ХУИС-ийн спорт заал гэсэн нийт таван газарт зэрэг явагдана. Тэмцээний нээлт энэ сарын 8-ны өдөр болжээ.

         Нээлтэд Дархан-Уул аймгийн ЗДТГ-ын дарга О.Хүрэлчулуун, Гар бөмбөгийн холбооны тэргүүн Л.Амарсанаа,  Дархан сумын Засаг дарга Т.Тулгаа нарын албаны хүмүүс оролцож нийт баг тамирчдад амжилт хүссэн байна. Энэ үеэр 15 тамирчин Гар бөмбөгийн спортын нэгдүгээр зэргийн үнэмлэхээ гардан авчээ.