Энэ 2024 онд  хилийн чандад зохион байгуулагдах кик боксын тэмцээний хуваарийг “World Association of Kickboxing Organizations” буюу “WAKO”-оос гаргасан байна.

Гуравдугаар сарын 19-24-ний өдрүүдэд Италийн Жесолод хотод  дэлхийн цомын төлөө тэмцээн.

Дөрөвдүгээр сарын 4-7-ны өдрүүдэд Австрийн Маттерсбург хотод олон улсын “А” зэрэглэлийн тэмцээн.

Дөрөвдүгээр сарын 12-14-ний өдрүүдэд Шотландын Единбург хотноо “Шотландын нээлттэй” тэмцээн.

Тавдугаар сарын 16-19-ний өдрүүдэд Туркийн Истанбул хотноо зохиогдох дэлхийн цомын төлөө тэмцээн.

Зургадугаар сарын 11-17-ны өдрүүдэд Унгарын Будапешт хотноо 29 дэх удаагаагийн дэлхийн цомын төлөөх тэмцээн.

Наймдугаар сарын 23-30-ны өдрүүдэд Унгар Улсад дэлхийн аварга шалгаруулах өсвөр үе, залуучуудын тэмцээн тус тус болно.

Харин Монголын кик боксын холбоо гадаад зохиогдох тэмцээнүүдийн товоос шалтгаалан дотоодын уралдаан тэмцээнийг зохион байгуулдаг юм байна. Монгол Улсын аварга шалгаруулах 33 дахь удаагийн тэмцээн, өсвөр үе, залуучууд,насанд хүрэгчдийн ангиллаар ирэх гуравдугаар сард Улаанбаатар хотноо зохион байгуулагдана.