Ардын боловсролыг тэргүүний ажилтан, спортын мастер Цэрэнжавын Жигдэн агсны нэрэмжит өсвөр үеийн чөлөөт бөхийн олон хотын тэмцээн энэ сарын 6-7-ны өдрүүдэд Дархан-Уул аймагт амжилттай зохион байгуулагдлаа.

         Тэмцээнд “Алдар” спорт хороо, Дархан, Сэлэнгэ, Улаанбаатар, Өмнөговь, Дорноговь, Говь-Алтай, Сүхбаатар зэрэг аймгуудаас гадна ОХУ-ын Хиагт, Улаан-Үд, Өвөр Монголын нийт 24 клубийн 370 гаруй тамирчин оролцсон байна.

Тэмцээний шилдэг тамирчин:

“Шилдэг эрэгтэй тамирчин”-аар:

“ДАРХАН-ЭРХЭТ”  клубийн тамирчин  П.ХҮСЭЛ-ЭРДЭНЭ

“Шилдэг эмэгтэй тамирчин”-аар:

“АЛДАР” СПОРТ ХОРООНЫ ТАМИРЧИН А.АМАР-ОРЧЛОН

Багийн дүнгээр:

Нэгдүгээр байр, Алтан медалийг:

Ё.БАТДАРХАН ДАСГАЛЖУУЛАГЧТАЙ ДАРХАН-УУЛ АЙМГИЙН БТСГ, “ДАРХАН-ЭРХЭТ КЛУБ”,

Хоёрдугаар байр, Мөнгөн медалийг:

Б.ЖАРГАЛСАЙХАН ДАСГАЛЖУУЛАГЧТАЙ ӨМНӨГОВЬ АЙМГИЙН БАГ,

Гуравдугаар байр, Хүрэл медалийг:

Э.ОДГАРАВ ДАСГАЛЖУУЛАГЧТАЙ СЭЛЭНГЭ БАГИЙН багууд тус тус эзэллээ.

   Өсвөрийн тамирчдын хүсэн хүлээдэг уламжлалт тэмцээнийг Дархан-Уул аймгийн Чөлөөт бөхийн холбоо, аймаг, сумын ЗДТГ, Жигдэн агсны үр хүүхэд хамтран ийнхүү зургаа дахь жилдээ амжилттай зохион байгууллаа. Тэмцээний ерөнхий ивээн тэтгэгчээр “Баганадант” ХХК ажиллав.