Хорват Улсын Загреб хотноо энэ сарын 10-15-ны өдөр Загребийн нээлттэй тэмцээн болно. Тус тэмцээн нь дэлхийн чансаа олгох цуврал тэмцээний эхнийх юм. Тэмцээн чөлөөт бөхийн төрлөөр эхэлж, сонгомол барилдаанаар өндөрлөнө.

          Манай улсаас гурван тамирчин оролцоно. Эмэгтэйчүүдийн 50 кг-ын жинд Гавьяат тамирчин Д.Отгонжаргал, 68 кг-д ОУХМ Э.Дэлгэрмаа нар өрсөлдөнө.

       Харин эрэгтэйчүүдийн 61 кг-д АНУ-д амьдарч буй Гавьяат тамирчин Э.Бэхбаяр барилдах хүсэлт ирүүлсний дагуу МЧБХ тэмцээний бүртгэлийг нь баталгаажуулаад байна. Тус тэмцээнд дасгалжуулагчаар МУГД Т.Сүхбаатар ажиллана.

        Олимпын жилийн анхны тэмцээнд дэлхийн аварга Жордан БУРРОУС (АНУ), Камран ГАСЕМПУР (Иран) зэрэг дэлхийн шилдгүүд өөрсдийн үндсэн жин болох олимпын жиндээ оролцохоор болжээ.