Шатрын спорт бол өсвөр насныханд чөлөөтэй сэтгэх, сууж сурах, анхаарал төвлөрүүлэх гээд олон сайн чанарыг бий болгодог онцлогтой. Тус спортоор УИХ-ын ЁЗСХБХ-ны дарга,  Б.Баттөмөр тавь дахь жилдээ тамирчдыг бэлтгэж байна. Энэ удаад Дархан сумын "ОД" цогцолбор сургуулийн 6-7 ангийн сурагчдын дунд сургалтыг амжилттай зохион байгууллаа.

           Дасгалжуулагч багшаар шатрын спортын 1-р зэргийн тамирчин, Ардын боловсролын тэргүүний ажилтан О. Ажигцэрэн ажилласан байна.  Тэд таван жилийн хугацаанд нийт 18 удаагийн сургалтаар 400 гаруй хүүхдүүдийг шатрын анхан шатны мэдлэг олгох сургалтад хамруулаад байгаа юм.

        Үүнээс шилдэг сурагчдыг "Улаан бэрс" шатрын клубд тамирчнаар сонгон аймаг, улс, олон улсын тэмцээнд оролцуулах зорилготой. Цаашид клубийн системээ сайжруулж тамирчид бэлтгэх, хөгжүүлэх, уралдаан тэмцээнийг давтамжтай зохион байгуулах талаар анхаарч ажиллаж, 4000 хүүхдийг сургалтад хамруулахаар төлөвлөөд байна.