Дорнод аймгийн Жүдо бөхийн холбооны оны шилдгүүдээ шалгаруулах ёслол өчигдөр боллоо.Тус холбооны тамирчид 2023 онд Улаанбаатар хот, Сүхбаатар, Дархан-Уул, Баянхонгор аймаг, БНХАУ-ын ӨМӨЗО-ны Хөлөнбуйр аймгийн Алтан-Эмээл хот зэрэг улс, бүсийн чанартай арван тэмцээнд оролцож, 39 алт, 42 мөнгө, 80 хүрэл медаль нийт 161 медаль хүртжээ.

        Холбооны зүгээс багш, дасгалжуулагч, баг, тамирчидын амжилтын чанарыг үнэлэн оны шилдгүүдээ тодрууллаа. 2023 оны “Шилдгийн шилдэг тамирчин”-аар Чойбалсан сум, “Ялалт” клубийн тамирчин М.Анударь, “Шилдэг тамирчин”-аар Дашбалбар сумын тамирчин Б.Тэмүүлэл, “Талын хүчтэн” клубийн тамирчин Б.Нандин-Эрдэнэ, “Ялалт” клубийн тамирчин Э.Эрхэмтөгс, “Ялалт” клубийн тамирчин О.Ууганбат, Хөлөнбуйр сумын тамирчин Г.Номинжин нар тус тус шалгарлаа.

      Тус ёслолын “Шилдэг дасгалжуулагч”-аар “Талын хүчтэн” клубийн дасгалжуулагч Б.Талынбүүвэй, Дашбалбар сумын сургуулийн биеийн тамирын багш Х.Мөнгөнхуяг, “Шилдэг сум”-аар Хөлөнбуйр сум тус тус тодорлоо.