Буян үйлдэгч хэмээх усан барс жилийн сар шинийн баярт зориулсан “Дашчойлин” хийдийн нэрэмжит аймаг, цэргийн цолтой 256 бөхийн уламжлалт барилдааныг өчигдөр буюу нэгдүгээр сарын 31-ний өдөр зохион байгуулжээ.

            Тус барилдаанд Завхан аймгийн Яруу сумын харьяат, “Хилчин” спорт хороо, “Жем интернэшнл” групп, “Даян” дэвжээний бөх, цэргийн арслан Мөнхтөрийн Лхагвагэрэл найм даван түрүүлсэн байна. Харин Өвөрхангай аймгийн Хархорин сумын харьяат, “Алдар” спорт хороо, “Хемон констракшн” ХХК, “Их монголын хүчтэн” дэвжээний бөх, аймгийн хурц арслан О.Наранбаатар үзүүрлэжээ.

            Их шөвөгт Говь-Алтай аймгийн Дэлгэр сумын харьяат, “Алдар” спорт хороо, “Хантайшир” дэвжээний бөх аймгийн арслан Ч.Эрдэнэсайхан, Увс аймгийн Малчин сумын харьяат, “Хилчин” спорт хороо, “Увснуур” дэвжээний бөх, цэргийн начин Ц.Батсүрэн нар шалгарав.