Монгол Улсын Хөгжлийн банкны зүгээс “Пирамид-Орд” ХХК-ийн санаачлан хэрэгжүүлэх дөрвөн блок 60 хувийн гүйцэтгэлтэй “Буман залуус-296 айлын орон сууц” төсөлд зориулж зээл олгосон. Зээлийн удирдлагын хорооны дүгнэлт, Хөгжлийн банкны гүйцэтгэх захирлын зээл олгох тухай тушаалaaр 2017 онд 10 тэрбум 2018 онд таван тэрбум нийт 15.0 тэрбум  төгрөгийн зээлийг дөрвөн жилийн хугацаатай 13.44 хувийн хүүтэйгээр олгосон.

    Хөгжлийн банкнаас олгосон зээлийн дүн өнөөдрийн байдлаар 24.6 тэрбум төгрөг, нийт барьцаа хөрөнгийн эрсдэл тооцсон үнэлгээ нь 31 тэрбум төгрөг байгаа нь зээл, барьцаа хөрөнгийн харьцаа 79.3 хувь байна.

    Зээлийн барьцаанд дөрвөн ширхэг 60 хувийн гүйцэтгэлтэй дуусаагүй барилгыг нийт 10 тэрбум төгрөгөөр үнэлэн барьцаалсан бөгөөд зээл, барьцаа хөрөнгийн шаардлага хангаагүй байхад хэсэгчлэн санхүүжилтээр 15 тэрбум төгрөгийг санхүүжүүлсэн.

Мөн зээлийн барьцаа хөрөнгө болон “Ардчилсан залуучуудын холбоо”-ны нэр дээрх газрыг тухайн үеийн Монгол Улсын Ерөнхийлөгч Х.Баттулгын гарын үсэгтэй тогтоолоор барьцаалсан байдаг. Өнөөдрийн байдлаар тус барилга барьсан газар нь МАОХ-ын нэр дээр байдаг ба “Пирамид Орд” ХХК-ийн нэр дээр шилжүүлэхэд 100 сая төгрөгийн дуудлага худалдааны үнийг МОАХ тушаагаагүй зэрэг маргаан гарч байна.

    Зээлийн өр төлбөрийг барагдуулах чиглэлээр холбогдох арга хэмжээг авч ажиллаагүй тул банкнаас 2022 оны наймдугаар сарын 29-нд  Чингэлтэй дүүргийн Иргэний хэргийн анхан шатны шүүхэд нэхэмжлэл гаргаж зээл, зээлийн хүү, нэмэгдүүлсэн хүүгийн төлбөрт нийт 24.6 тэрбум  төгрөгийг гаргуулахаар нэхэмжилсэн ба шүүхээс шүүгчийн захирамжаар иргэний хэрэг үүсгэсэн, одоогоор шүүх хурлын тов зарлагдаагүй байна.

   Мөн шүүхэд гаргасан хүсэлтийн дагуу “Пирамид Орд” ХХК-д холбогдох Хөгжлийн банкны нэхэмжлэлийн дүнд хөрөнгийн битүүмжийг хийж ажилласан ба нэхэмжлэлийн шаардлагыг нэмэгдүүлэн ажилласна. “Пирамид Орд” ХХК-ийн туслан гүйцэтгэгч “Бэсон” ХХК нь улсын комиссын шийдвэрийг хууль бус гэх үндэслэлээр Захиргааны хэргийн шүүхэд гомдол гаргасан ба гомдол шийдэгдэх хүртэл улсын комисс ажиллах боломжгүй болсон.