УИХ-ын нэгдсэн чуулган хуралдаж байна. Хуралдаанаар Олон нийтийн сүлжээнд хүний эрхийг хамгаалах тухай хуулийн төсөл болон хамт өргөн мэдүүлсэн хуулийн төслийг хэлэлцэж байна. Энэ  УИХ-ын  гишүүн О.Цогтгэрэл үг хэлж, хариулт авлаа.

      Тэрбээр “Олон нийтийн сүлжээнд хүний эрхийг хамгаалах тухай гэх гоё, зөв нэртэй хууль орж ирээд байна. Гэхдээ олон нийт эсрэг байр суурь илэрхийлээд байгаа. Мэдээж энэ хуульд сайн тал бий. Өчигдрийн хэлэлцүүлгийн хараад байхад ХЭҮК-ийн гишүүд энэ хуультай санал нэгдэхгүй байна. Цахим сүлжээний хэрэглэгч, оролцогч талуудынхаа санаа бодлыг сонсохгүй. Нэг өдөр хэлэлцүүлэгдээд, эцсийн хэлэлцүүлэгт ордог байж болох уу. Засгийн газраас яаралтай дэгээр хэлэлцэх асуудлууд байдаг. Үндэсний эдийн засгийн асуудлыг яаралтай  горимоор хэлэлцдэг  болохоос ийм асуудал орж ирдэггүй. Чуулган завсарласны дараа ажлын хэсэг хуралдаад, хаврын чуулганаар хэлэлцэх ёстой гэх байр суурьтай байна” гэлээ.