Ардчилсан намын ҮБХ өнөөдөр хуралдаж, намын даргын санал хураалтаа дууслаа. Санал хураалтад олонхын саналаар Ардчилсан намын гишүүн Л.Гантөмөрийг намын даргад дэмжсэн юм.

                                    Ардчилсан намын даргын санал хураалтад ялалт байгуулсан Л.Гантөмөр “Бидний гаргасан шийдвэрээ Ардчилсан нам сэргэн мандана гэдэгт би итгэлтэй байна. Ардчиллыг аврах хурал болж чадлаа. Намын хурал дээр чин шударгаар өрсөлдсөн нэр дэвшигчдэдээ баяр хүргэе. Надаас журмын нөхдөөсөө чин сэтгэлээсээ хүсэх хүсэлт байна. Өнөөдөр бид гурвын авсан саналыг Ардчилсан намыг нэгтгэх хүч болгоосой гэж хүсэж байна. С.Баярцогт гишүүний хэлснээр бидний өмнө үнэнхүү хүнд хэцүү он жилүүд хүлээж байгаа. Монголчууд төрдөө, улстөрчдөө итгэдэг итгэлийн он цагийг хамтдаа бүтээе” гэв.