Засгийн газрын ээлжит бус хуралдааны үеэр Казакстан Улсад үүссэн нөхцөл байдлын талаар Ерөнхий сайдад мэдээлэл өгчээ. Энэ талаар Гадаад харилцааны дэд сайд Б.Мөнхжин "Засгийн газрын ээлжит бус хуралдаан дээр Казакстанд үүсээд байгаа асуудлыг талаар хэлэлцээгүй харин бид танилцуулга хийсэн. Одоо бол тус улсад 4200 орчим монгол иргэн бий.  Монгол Улсын иргэн халдлагад өртсөн талаар мэдээлэл ирээгүй. Мөн интернэт маш муу тасалдаж, холбоо барихад хүнд байна. Тус улсад онц байдал зарласан байгаа. Мөн хамтын ажиллагааны байгууллагаас цэрэг татах хүсэлт гаргаж, тухайн байгууллага зөвшөөрсөн гэсэн мэдээлэл байгаа. Одоогоор бид иргэдээ татаж авах талаар яриагүй" гэлээ.